Emisari evropian për dialogun Kosovë-Serbi, Miroslav Lajçak ka zhvilluar një takim me presidentin serb, Aleksandar Vuçiç gjatë samitit të Davosit.
Lajmi është bërë i ditur nga vetë Lajçak përmes një postimi në rrjete sociale, ku shkruan se me Vuçiçin kanë folur rreth marrëveshjes së Ohrit, për të cilën vlerëson se ka hap rrugën drejt normalizimit të raporteve me Kosovën.
“Në takimin tonë të fundit në rolin tim aktual me presidentin Aleksandar Vuçiq fola për gjendjen në dialog. Theksova se Marrëveshja e Ohrit e vitit 2023 hapi rrugën përpara drejt normalizimit.
Progresi i mëtutjeshëm është në interes të Serbisë, Kosovës, Bashkimit Evropian dhe të ardhmes së tyre”, shkruan ai në rrjetin social X.
