Ministrja e Mbrojtjes që e nisi me qetësi raportimin në komisionin e Sigurisë për Artur Meçollarin, e humbi qetësinë kur deputeti i PD, Mysmym Murrizi i tha se këtë pjesën e spiunazhit e ka me shumë qejf dhe po të gërmojë mund të nxjerr fakte dhe për familjen e saj.
Myslym Murrizi: Zonja ministre po ngatërroni komisionin me zyrën e Gjallicës. Kush ishte përfaqëusi i Ministrisë së Mbrojtjes në gjyqin me Meçollarin, kush ka qenë? Ca datëlindje është ky Meçollari. Këtë pjesën e spiunëve e kam qejf, po të gërmoj shumë mund të dal në shtëpinë tënde. Kam pasur kontakte me drejtorin e AISM dhe pyetja e parë ka qenë për Meçollarin, atje më thanë që zotëria ka një certifikatë sigurisë që mbron në 2020. Spekulimi me NATO-n, ajo ka nja 4 milionë ushtarë në Europë nuk besoj se i survejon….
Olta Xhaçka: Këto goditjet nën brez ‘alla kohës së xhaxhit’ kanë kaluar, nuk më impresionojnë më. Me babanë tim laj gojën mirë kur të flasësh. Nuk jetohet sot me kohët e vjetra. Dëgjo këtu. Nuk kemi ardhur ti shtojmë intelektit tuaj informacion mbi biografinë e Meçollarit. Kjo ka qenë kërkesa juaj, jo fjalët e pazarit. Certifikatën në 2011 e ka marrë ai drejtori që ju flisni dhe merrni këto thashethemet. Nuk ka pasur prova në ngarkim të Meçollarit.
/Opinion.al
