Në mediat rozë po qarkullonin me shpejtësi lajmet se Lady Gaga është shtatzënë. Sipas “Star”, artistja e ka treguar këtë në një festë pas ceremonisë së çmimeve Oscar, teksa ka thënë se është në pritje të një fëmijë por as që ia ka idenë se kush është i ati.
Ndjekësit aludonin se me shumë mundësi fëmija është i ish të fejuarit Christian Carino ndërkohë që të tjerë po vinin bast se babai është Bradley Cooper, por kishte dhe nga ata që e shfrenonin fantazinë duke pretenduar se Gaga pret fëmijë nga një fans i çmendur i saj.
Në kohën kur shpërndarja e thashethemit për një shtatzëni të këngëtares po merrte përmasa gjigante, reagoi vetë Gaga përmes një postimi në Instagram duke thënë se në fakt është shtatzënë.
“Zëra që jam shtatzënë? Po, jam shtatzënë me #LG6” u shpreh Lady duke promovuar ashtu tërthorazi albumin e saj të ardhshëm.
Kujtojmë se albumi i fundit i Lady Gaga- s ishte Joanne, i cili doli në tetorin e 2016- s, ndërkohë që së shpejti do të hidhet në treg “#LG6”./Opinion.al
