Tri ditë më parë Laçi shkoi shumë pranë përmbysjes së madhe ndaj Tiranës në Kupën e Shqipërisë, por për një gol nuk ia doli të vijojë më tej, ndërsa sot konfirmoi se është rikthyer në formën e vet më të mirë.
Kurbinasit mposhtën me rezultatin e thellë 5-0 Teutën, në një sfidë mjaft të rëndësishme përsa i përket renditjes, pasi të dy skuadrat luftojnë për një vend në kupat europiane.
Oktopu, Xhixha dy herë, Lushkja dhe Domgjoni shënuan për Laçin, që nuk e vuri për asnjë moment në diskutim rezultatin e sfidës së sotme. Me këtë triumf, Laçi shkon në kuotën e 41 pikëve, duke parakaluar Skënderbeun, ndërsa tashmë është vetëm dy pikë pas Teutës së vendit të tretë.
Ndërsa në stadiumin “Redi Maloku” në sfidën e vlefshme për javën e 27-të të Kategorisë Superiore ishte Kastrioti që festoi, pasi mposhti Kukësin me rezultatin 2-1 me përmbysje dhe rindezi më shumë se kurrë shpresat për të mbijetuar mes 10 më të mirëve të futbollit shqiptar.
Më disfatën e sotme, Kukësi i ka thënë “lamtumirë” objektivit të titullit kampion, teksa në rast të një triumfi të Partizanit ndaj Luftëtarit, diferenca do të thellohej në 12 pikë.
Në sfidën e sotme ishte Kukësi i Ramazan Ndreut që kaloi i pari në avantazh, me golin e shënuar nga sulmuesi vlonjat Vasil Shkurtaj, ndërsa krutanët shënuan dy herë në pjesën e dytë, duke përmbysur gjithçka./Opinion.al
