Laçi është mposhtur me rezultatin 0-3 në “Elbasan Arena” nga Anderlecht. Bardhezinjtë rezistuan deri në minutën e 27-të të pjesës së parë. Kurbinasit pësuan gol pas një goditjeje këndi.
Edhe goli i dytë u pësua njëlloj, pas një harkimi nga këndi. Hoedt me kokë nuk e fali portierin Alen Sherri dhe Anderlecht e mbylli pjesën e parë 2-0.
Kur pritej reagimi i Laçit në pjesën e dytë, vjen një tjetër gol i miqve, Refaleov ndëshkon për herë të tretë të besuarit e Shpëtim Duros. Belgët fitojnë pastër dhe shkojnë në kualifikim në play-off të Conference League thuajse i sigurtë.
