Ndërsa kohët e fundit, raportime mediatike e kanë cilësuar Shqipërinë si qendër të drogës në Europë, të dhëna alarmuese vijnë nga Italia, që sipas gazetarit Gabriele Martini, tregojnë se biznesi i Marijuanës mban emrin “Made in Italy”.
Në një shkrim të publikuar në “La Stampa”, Martini i referohet shifrave zyrtare të policisë së shtetit fqinj, sipas të cilave, vetëm në 2016, sekuestrot e plantacioneve janë më shumë se trefishi i vitit të shkuar.
Sipas Martinit, prodhimi i kanabisit është shndërruar në një biznesh milionash për narko-trafikantët italianë.
Por gazetari nuk lë pa përmendur edhe Shqipërinë. Teksa e quan një bum, perceptimin e krijuar në publik se krimi i organizuar vetëprodhon marijuanë, ai thekson intensifikimin e luftës ndaj drogës nga autoritetet shqiptare.
“Pas bumit të marijuanës së vetë-prodhuar nga krimi i organizuar, ka gjithashtu intensifikim të luftës kundër drogës nga ana e autoriteteve shqiptare. Tirana i ka kërkuar ndihmë qeverisë italiane, e cila ka vënë në dispozicion mjetet dhe njohuritë. Edhe rrugët e gomoneve që kalojnë Adriatikun, janë bërë më pak të sigurta. Kështu, përvec importit, bandat kanë vendosur ta marrin vetë në dorë. ‘ndrangheta, camorra, cosa nostra, krimi i organizuar i Puglias, Sardenjës. Në biznesin e madh të kanabisit, secili nga këta do copën e tij të tortës.”-shkruan Martini.
“Në të gjithë vitin 2015, rrënjët e marijuanës të zbuluara nga policia ishin 1369 mijë, në nëntë muajt e parë të këtij viti, ne jemi në 405 mijë, me një kulm në muajin shtator”-shkruan ai referuar situatës në Itali.
Sipas të dhënave të Drejtorisë Qendrore të shërbimeve anti-drogë në Ministrinë e Brendshme, krahina që mban rekordin është ajo e Trapanit me mbi 26 mijë bimë të konfiskuara nga Janari deri në Gusht.
Mbjellja nis në fillim të Muajit Gusht, dhe pas dy muajsh të çeljes, kultivuesit janë gati për të korrat e para. Rreth tre javë nevojiten për të tharë marijuanën dhe atëhere ajo është gati për trafikim. Nga çdo bimë mund të fitohet një gjysmë kilogram droge.
Çmimi përfundimtar për konsumatorin varion midis pesë dhe dhjetë euro për gram. Vetëm vlera e plantacioneve të sekuestruara të këtij viti është rreth një miliardë euro.
Sipas gazetarit kjo është një luftë “hi- tech” sepse reparti operativ ajror “Air Vibo Valentia”, i cili gjuan për plantacione kanabisi në gjithë Italinë, lufton me mjete të teknologjisë së lartë.
Sensorët ajrorë regjistrojnë rrezatimin elektromagnetik të tokës dhe kjo lejon identifikimin e plantacioneve, edhe pse ata janë të mbrotjur nga shkurre të larta.
Shqipëria:
Pas bumit të marijuanës së vetë prodhuar nga krimi i organizuar, ka gjithashtu intensifikim të luftës kundër drogës nga ana e autoriteteve shqiptare. Tirana i ka kërkuar ndihmë qeverisë italiane, e cila ka vënë në dispozicion mjetet dhe njohuritë. Edhe rrugët e gomoneve që kalojnë Adriatikun, janë bërë më pak të Sigurta. Kështu, përvec importit, bandat kanë vendosur ta marrin vetë në dorë. Ndrgaheta, camorra, cosa nostra, krimi i organizuar i Puglias, Sardenjës. Në biznesin e madh të kanabisit, secili nga këta do copën e tij të tortës.
