Oficerët e policisë në Selanik arrestuan një 22-vjeçare shqiptare dhe shoqëruesen e saj pasi akuzohen për ekspozim të të miturit para rrezikut.
Arsyeja e arrestimit ishte pasi dy femrat e kishin lënë foshnjën në një makinë dhe kishin shkuar për të bërë pazar në një dyqan në zonën e Pylaias!
Sipas mediave greke, foshnja në makinën e parkuar jashtë dyqanit u pikas nga një kalimtar, i cili ka njoftuar policinë.
Sipas dëshmisë së tij, foshnja ka qenë vetëm për të paktën 40 minuta, ndërsa automjeti ka qenë i mbyllur me dritare gjysmë të hapur.
Punonjësit e policisë së repartit Pylaia – Hortiatis kanë lokalizuar dy femrat me origjinë shqiptare, brenda në dyqan dhe i kanë arrestuar.
Për nënën 22-vjeçare si dhe drejtuesen e mjetit 27-vjeçarë rëndojnë akuzat e ekspozimit të të miturit para rrezikut./Opinion.al
