Meghan Markle ndodhet në Kanada ndërkohë që Princ Harry po merret ende me pasojat e vendimit të tyre për të hequr dorë nga familja mbretërore.
“E!News” shkruan se Meghan është rikthyer në rezidencën ku ajo dhe i shoqi qëndruan gjatë gjithë pushimeve të tyre të fundvitit dhe më në fund po shijon lirinë e saj.
Sipas burimit, ajo qëndron më së shumti në shtëpi me të birin megjithatë ka eksploruar e vetme ishullin Vancouver, duke drejtuar një “Range Rover”.
Ndërkohë, burime të tjera tregojnë se Meghan është parë duke shkuar në një farmaci dhe në aeroport. Me fjalë të tjera, ajo po jeton një jetë plotësisht normale, si një amerikane e lirë, larg rregullave dhe protokollove mbretërore britanike./Opinion.al
