Një 58-vjeçar shqiptar është përfshirë në një aksident më 19 dhjetor në Itali. Si pasojë e plagëve të marra 58-vjeçari ndërroi jetë pas disa ditësh në kujdesin intensiv në spitalin e Modenës.
58-vjeçari ishte duke kaluar rrugën në një kryqëzim këmbësorësh kur u godit nga një Audi Q3 në drejtimin e së cilës ndodhej një 25-vjeçar nga Sassuolo.
Tashmë autoritetet pritet që të hapin hetimet për vrasje në rrugë ndaj shoferit.
Zyhdiu kishte shkuar në Itali së bashku me gruan disa muaj më parë. Ai ishte ribashkuar atje me 2 vajzat dhe djalin që jetonin në Sassuolo për mbi 15 vite.
Dashuria për familjen e kishte bërë të merrte vendimin që të linte atdheun, por fatkeqësisht do të rikthehet në Shqipëri për herë të fundit, për t’u prehur në banesën e fundit.
Hetimet për aksidentin do të ndiqen nga Prokuroria Publike e Modenës.
