Kylie Jenner postoi mëngjesin e sotëm një foto me partnerin e saj, Travis Scott në Instagram. Dyshja pozoi e ulur në shkallë, teksa Kylie qëndron pas duke përqafuar partnerin. Por mbishkrimi i fotos: “Bebi 2?” habiti të gjithë fansat.
Kujtojmë se dyshimet se Kylie ishte në pritje të një fëmije tjetër, morën fund vetëm në fund të muajit janar kur ajo e mohoi kategorikisht lajmin për një shtatzani të dytë. Sapo fansat e menduan këtë kapitull të mbyllur momentalisht për 21-vjeçaren, Kylie i hedh sërish zjarr benzinës.
Ndjekësit janë në dilemë nëse çifti është duke menduar që të bëhen sërish prindër apo Kylie është aktualisht shtatzënë. Kujtojmë se vajza e tyre Stormi festoi 1-vjetorin vetëm dy ditë më parë, në një festë gjigande, ku nuk munguan dhuratat luksoze.
