Në prill, numri i vizitorëve të huaj në Japoni ra me 99.9 % nga i njëjti muaj vitin e kaluar, sipas Organizatës Kombëtare të Turizmit të Japonisë. Në ndonjë situatë tjetër, kjo statistikë do të ishte tronditëse, por në botën e shkatërruar nga koronavirusi, vlen vetëm përmëndja. Kufijtë janë të mbyllur në të gjithë globin dhe megjithëse Japonia nuk ka zbatuar një ndalim fluturimesh, lista e destinacioneve nga të cilat njerëzit nuk lejohen të hyjnë, është e madhe.
Në 25 maj, gjendja e jashtëzakonshme e detyruar për të kufizuar përhapjen e Covid-19, u hoq në disa prefektura, përfshirë Tokyon, duke i dhënë fund 7 javëve kufizimesh ekonomike dhe duke përdorur një normalitet të ri të pasigurt. Kjo normë e re do të përfshijë ringjalljen e industrisë së turizmit, e cila përbënte 7.4 % të produktit të brendshëm bruto të Japonisë në 2018, dhe kombi mund të jetë duke ndërmarrë një qasje të re, për të tërhequr turistët përsëri në ishujt e saj.
‘Qeveria po planifikon të tërheqë vizitorët e huaj duke mbuluar gjysmën e shpenzimeve të tyre të udhëtimit,’ raportoi gazeta “Mainichi”, në 20 maj. Programi mund të fillojë në korrik nëse infeksionet e reja të koronavirusit ngadalësohen së shpejti.
Nuk është hera e parë që Japonia ka konsideruar stimuj për të ndihmuar turizmin. Në janar, në periudhën e lojrave olimpike, Japon Airlines propozoi të ofronte fluturime falas nga Tokio dhe Osaka, si dje në vende të tjera më pak të vizituara.
Saktësisht se si gjysma e shpenzimeve të udhëtarëve mund të shpërndahet dhe jepet është e paqartë, por për një vend që është i kushtueshëm për t’u viziruar, perspektiva ka të ngjarë të jetë tërheqëse në këto kohë kur ekonomia botërore po pëson tkurrje drastike. Sipas ëebsite-it Budget Your Trip, i cili rendit destinacionet ‘bazuar në buxhetet e udhëtimit të udhëtarëve’, Japonia është vendi i tretë më i shtrenjtë në Azi për t’u vizituar, që kërkon një shpenzim ditor mesatare prej 130 $, pas Hong Kongut (140 dollarë) dhe Koresë së Jugut (122 dollarë).
Japonia gjithashtu mund të përfitojë nga një reagim pozitiv në lidhje me trajtimin ndaj krizës, veçanërisht në mediat ndërkombëtare. Një artikull në gazetën The Guardian të Britanisë, në 22 maj vlerësoi përpjekjet e vendit, duke thënë se Japonia mund të konsiderohet një histori suksesi gjatë periudhës së koronavirusit./OpINION.AL
