Egjiptianët e lashtë besonin se konsumi i kërpudhave sillte jetë të gjatë. Sot, studiuesit kanë arritur të konfirmojnë këtë besim. Një grup shkencëtarësh të Universitetit të Australisë Perëndimore, ngritën një kërkim mbi 2000 gra kineze. Gjysma e tyre vuante nga kanceri i gjirit. Nga analizimi i të dhënave të mbledhura, gratë që konsumonin vetëm 10gr kërpudha të freskta çdo ditë, kishin 64% më pak rrezik të prekeshin nga kanceri i gjirit. Në këtë studim, konsumi i kërpudhave të thata, kishte përgjysmim të efektit mbrojtës. Fakti më impresionues ishte se, gratë që kombinonin konsumin e kërpudhave me çaj jeshil, kishin një mbrojtje akoma më të madhe duke rrëzuar rrezikun me 89%.
Përse kërpudhat luftojnë kancerin?
Kërpudhat mendohet të mbrojnë kundër kancerit të gjirit dhe llojeve të tjera të varura nga hormonet, duke penguar enzimën “aromatase” e cila prodhon estrogjen. Kërpudhat janë një nga ushqimet e rralla që e pengojnë këtë enzimë. Një tjetër është shega. Dhe disa varietete fare lehtë të gjindshme, si kërpudhat e bardha shampinjon apo portobelo, kanë një efekt anti aromatase të fortë.
Por kërpudhat kanë një efekt mbrojtës pertej kancerit të lidhur me hormone. Ato përmbajnë lektina të specializuara, të cilat parandalojnë rritjen dhe shumimin e qelizave kanceroze.
Cilat kërpudha kanë më shumë efekt anti-kancer?
Kërpudhat e bardha, portobelo, shitake, porcini, kanë të gjitha përbërës bioaktiv që lidhen me veprimtari anti kanceroze. Këto fitokimikate, pengojnë formimin e enëve të gjakut që ushqejnë masat tumorale. Pengojnë rritjen dhe shumimin e qelizave kancoregjene të stomakut, gjirit, kolonës dhe prostatës.
Mesa duket, kërpudhat e bardha janë ato që kanë një efekt më të fuqishëm kundër kancerit të gjirit. Prandaj, konsumi i tyre i përditshem, mund të jetë një hap shumë i rëndesishëm në ecurinë e shëndetit tuaj.
Ushqime të tjera që luftojnë kancerin e gjirit:
- Shegët, për të njëjtën veprimtari si kërpudhat.
- Lakra dhe lulelakra: vendet që i konsumojnë më shumë kanë më pak prekje nga kjo sëmundje.
- Çaji jeshil: efekti mbrojtës varet shumë nga gene të caktuara.
- Farat e linit: 25 gr në ditë rezultuan në efekte pozitive, por të tjera studime nevojiten për ta përforcuar.
- Buka e thekrës: bashkëveprimi midis fibrave, vitaminave, lignaneve dhe acidit fitik, e bëjnë bukën e thekrës unike në mbrojtjen kundër kësaj sëmundje.
- Thjerrzat, fasulet, arrat, boronicat, spinaqi, vezët dhe salmoni rezultojnë aleatë të çmuar të shëndetit të gruas për sa i takon kancerit te gjirit.
- Vitamina D: disa studime pro dhe retrospektive sugjerojnë se nivelet e vitaminës D në gjak më pak se 20 ng/ml, lidhen me 30-50% më shumë rrezik nga kanceri i gjirit./ Blerina Bombaj
