Për të gjithë ata që përdorin WhatsApp si aplikacionin kryesor të komunikimit, shpesh ka raste kur duan të lexojnë një mesazh por nuk duan që personi tjetër të kuptojë që e kanë hapur atë. E tashmë ekziston një mënyrë për ta bërë të mundur leximin e mesazheve pa rënë në sy të bashkëbiseduesit.
Nuk bëhet fjalë për leximin e mesazheve nëpërmjet njoftimit të tyre, pra pa hapur aplikacionin pasi kjo është tashmë e njohur. Këtu është fjala për rastet kur përmbajtja e mesazhit është e gjatë dhe nga njoftimi nuk do të mund ta lexojmë të plotë.
Në një situatë të tillë i’u vjen në ndihmë një truk i cili nuk është i ri por është bërë sërish viral në internet ditët e fundit pasi shumë përdorues kanë gjetur zgjidhjen sa herë që nuk duan t’i përgjigjen një bisede të padëshiruar.
Për ta vënë në punë këtë truk duhet të shtoni thjesht miniaplikacionin WhatsApp në ekranin tuaj fillestar, i cili do të shfaqë mesazhet pa e hapur aplikacionin. Ajo çka duhet të bëni është të shtypni gjatë në ekran, të zgjidhni nga menuja e miniaplikacioneve dhe më pas të zgjidhni miniaplikacionin 4 x 1 WhatsApp.
Pasi të instalohet në ekranin bazë, do të shfaqet një listë e mesazheve të fundit me më shumë tekst. Sa herë që përdorni këtë mënyrë për të lexuar mesazhet, ato nuk do të regjistrohen si “të lexuara” në aplikacion.
Truku i zgjuar funksionon vetëm në Android dhe është koha ta provoni herën tjetër që do të merrni një mesazh të cilit nuk dëshironi t’i përgjigjeni pa lënë përshtypje të pakëndshme.
