Jeta e saj private ka qenë në fokus të mediave veçanërisht pas ndarjes nga bashkëshorti.
Fillimisht Adrola Dushi u përfol se nuk kishte një marrëdhënie miqësore me babain e djalit. Derisa modelja shqiptare foli haptazi për raportin me Adis Patushin. Ajo u shpreh se njerëzit habiten me marrëdhënien e tyre “shumë të mirë”. Marrëdhënie të cilën nuk e kanë pasur as kur kanë qenë bashkë.
“Një marrëdhënie shumë e mirë, pa inate me shumë mirëkuptim. Gjithmonë kur jemi me Troin jemi perfekt, gjithmonë jemi të dy bashkë për Troin. Nuk e di jam shumë e lumtur që e kemi këtë marrëdhënie të dy dhe nuk kemi pse i japim Troit stresin, ok u ndanë. Por tani nuk ka inate dhe nuk takohen prindërit bashkë. Takohemi të tre. Dalim gjithmonë bashkë të tre. Gjë shumë e mirë edhe për mua, edhe për Troin, por dhe për Adisin kjo pjesë”, ka thënë Adrola në rrëfimin e saj për ‘Mirage”.
Dhe nëse mendoni se deklarata e saj është sa për sy e faqe, ne po ju sjellim një tjetër provë që dëshmon se marrëdhënia e Adrolës me Adisin është paqësore.
Ajo i ka lënë së fundi një koment Adisit në një foto të publikuar nga ky i fundit, ku tregon se ka bërë një tatuazh me kuptim shumë të veçantë, imazhin e të atit me të birin.
‘’Zot sa bukur’’ ishin fjalët e Adrolës, e cila u prek me dedikimin e veçantë të ish-bashkëshortit.
