Deputetja e PDIU-së, Mesila Doda ka reaguar ashpër ndaj ministers së Kulturës, Mirela Kumbaro lidhur me zbulimet arkeologjike në Durrës. Doda i ka kërkuar ministres të hapë sytë dhe të veprojë në lidhje me atë që po ndodh në qytetin bregdetar. Ajo i ka kërkuar edhe kryeprokurorit Llalla të veprojë për këtë vepër penale.
“Ky është turp i paparë! Mirela Kumbaro hapi sytë dhe vepro, se kjo është e turpshme. Adriatik Llalla mos fol më për punën e përkushtuar të prokurorisë, ja ku e ke veprën penale ditën për diell…Ambasadorë të nderuar… këto janë akte të shëmtuara si ato të shkatërrimit të Palmirës. Kjo është trashëgimi botërore dhe asnjë brez nuk mund të amnistojë këtë xhahil e shkatërrim që i bëhet trashëgimisë botërore. Dëshpërim, kur i sheh gjithë institucionet që rrijnë e vështrojnë një xhahil të qytetit të vet. Durrësi meriton më shumë. Ky është turpi në fytyren e qytetit dhe pafuqia e gjithë njerëzve normalë përballë ligësisë”, shkruan Doda në Facebook.
