Seanca e jashtëzakonshme plenare në Kuvend, lidhur me votimin e propozimit të Partisë Demokratike për zëvendësimin e deputetes Jorida Tabaku, si anëtare e komisionit Ad Hoc pritet të fillojë pas pak minutash, ndërsa është zbardhur edhe emri i anëtarit të ri të këtij komisioni.
Gerti Bogdani është propozimi i PD, për të zëvendësuar Tabakun në komisionin Ad Hoc si përfaqësues i PD. Deputetja Tabaku nuk mund të jetë pjesë e këtij komisioni për arsye shëndetësore, pasi gjatë kësaj jave është bërë nënë e dy vajzave dhe ndodhet jashtë Shqipërisë.
Pas orës 10.00 është njoftuar nisja e seancës plenare ku pritet të votohet për Gerti Bogdanin në vend të Jorida Tabakut.
