Ky është 3-vjeçari i cili ra në kafazin e gorillës, ku këtë të fundit e qëlluan për vdekje personat përgjegjës ndaj kopshtit zoologjik.
Isiah Dickerson ishte me nënën e tij Michelle Gregg në kopshtin zoologjik Cincinnati, në Ohio kur ai ra në një hendek të thellë me ujë ku ishte edhe gorilla.
Brenda disa minutave gorilla 17-vjeçar u vra nga frika për jetën e djalit.
Siç shkruan Dailymail, babai i djalit, Deonne Dickerson, 36-vjeçar nuk është parë në momentin e vrasjes së gorillës.
Ai nuk ishte me gruan dhe katër fëmijët tjerë në atë kohë, transmeton lajmi.net.
Menjëherë pas incidentit, Michelleh Greg, postoi një mesazh në Facebook duke thënë
“Dua të falënderoj të gjithë për lutjet gjatë ditës së sotme. Ajo që filloi si një ditë e mrekullueshme, përfundoi në një ditë të tmerrshme”, tha ajo. Ajo pohoi se si shoqëri të gjithë gjykojnë prindërit dhe mënyrën se si ata duhet kujdesur për fëmijët. “
Të gjithë ata që më njohin e dinë se sa shumë i ruaj fëmijët e mi. Aksidentet ndodhin por unë jam falënderuese se njerëzit e duhur ishin sot në vendin e duhur”, shtoi ajo.
Mirëpo vrasja e gorillës nga aktivistët për të drejtat e kafshëve u cilësua e panevojshme dhe kjo shkaktoi zemërim tek ata. Deri më sot më shumë se 4 mijë persona u janë bashkuar grupit “ Drejtësi për Harambe”./lajmi.net/
