Katër fëmijë kanë humbur jetën dhe katër të tjerë kanë mbetur të lënduar, pas një sulmi të ndodhur brenda në ambjentet e një çerdheje në Brazil, ku një 25-vjeçar ka sulmuar me sëpatë disa prej fëmijëve.
Sipas autoriteteve autori i ngjarjes mbërriti në çerdhe me një motoçikletë, më pas e ka braktisur atë për të vazhduar me kryerjen e aktit monstruoz. 25-vjeçari është arrestuar menjëherë nga policia, pas sulmit të ndodhur.
Ndërkohë bëhet me dije se nga ngjarja e rëndë kanë ndërruar jetë 4 të mitur dhe të plagosurit raportohet të jenë të moshës 0-2 vjeç.
Guvernatori Jorginho Melo shprehu ngushëllimet e tij, duke shpallur tre ditë zie kombëtare për fëmijët që kanë ndërruar jetë.
“Me pikëllim të madh mora lajmin e hidhur se qendra private “Cantinho do Bom Pastor, në Blumenau, u sulmua nga një atentator që sulmoi fëmijët dhe stafin. Fatkeqësisht, katër vdiqën. Menjëherë kam urdhëruar aksionin e forcave tona të sigurisë, të cilët tashmë ndodhen në vendngjarje. Vrasësi tashmë është arrestuar. E lë këtu solidaritetin tim të plotë. Zoti ngushëlloftë zemrat e të gjitha familjeve në këtë moment dhimbjeje të thellë”, tha kryebashkiaku./Opinion.al
