Besnikëria, respekti, marrëdhënia seksuale, etj janë karakteristikat kryesore, për të garantuar një raport afatgjatë martesor. Por sipas një studimi të fundit, është një tjetër element kyç që garanton jetëgjatësinë e martesës, gjatësia e burrit.
Profesorët e Konkuk University në Seul të Koresë së Jugut, thonë se diferenca në gjatësi mes mashkullit dhe femrës e bën lidhjen më të lumtur. Siç raporton “Mirror”, studiuesit kanë mbajtur në vëzhgim 8 mijë çifte të martuara dhe nga sondazhet e kryera, rezultoi se femrat më të lumtura ishin pikërisht ato që i kishin bashkëshortët më të gjatë se vetja.
“Femrat preferojnë meshkujt e gjatë, pasi ndihen më të mbrojtura. Por pasioni për gjatësinë ulet me kalimin e viteve të martesës”, shpjegon Kitae Sohn, studiuese e Konkuk University.
