Kuvendi do të zhvillojë sot senacën e parë plenare pas më shumë se një muaji mungesë për shkak të situatës së kriijuar nga koronavirusit.
Seanca e sotme do të zgjasë vetëm 2 orë për të diskutuar 24 nisma ligjore që nga ndryshimet në Kodin Penal, aktet normative të Ministrisë së Shëndetësisë për masat ndaj COVID-19, rishikimi i buxhetit të 2020, lirimin e një kategorie të dënuarish, për shtyrjen e pagesës së këstit të tatimit mbi të ardhurat për bizneset, dy dekretet e presidentit Meta për kthim në Kuvend të ligjit për pronat dhe paketën Anti- Shpifje për pjesën që i takon OFL për sekuestrimin e pasurive. Po ashtu pritet të votohet edhe shtyrja të veprimtarisë së komisionit për Reformën Zgjedhore që duhet të kishte përfunduar më 15 marsi.
Mbledhja do të nisë në orën 10:00 ndërsa deputetët që do të marrin pjesë në seancë do të jenë të pajisur me maska dhe me doreza. Ata do të ulen në një distancë 1.5 metra nga njëri tjetri.
Aktualisht vetëm një nga deputetët ka rezultuar pozitiv me COVID-19, Adriatik Alimadhi, i cili nuk do të jetë i pranishëm në seancë pasi është ende i shtruar në spital por në gjendje të stabilizuar./Opinion.al
