Në takimin e sotëm me kandidatët socialistë në zgjedhjet e 25 qershorit, Edi Rama ka njoftuar se ditën e hënë, në një seancë të jashtëzakonshme që do të mbahet në orën 18:00 parlamenti do të votojë ministrat e ministrive që do të propozohen nga opozita, të cilët priten të jenë teknik.
Ashtu siç është rënë dakord në marrëveshje, në të këtë seancë do të kalohet edhe Vettingu.
Kryeministri Edi Rama ka zhvilluar një takim ditën e sotme me të gjithë kandidatët për deputet të Partisë Socialiste.
Në takim mësohet se Rama ka shpjeguar marrëveshjen e arritur para dy ditësh me kreun e PD-së, Lulzim Bashën si dhe detyrat që do të kenë ministrat e rinj.
Po ashtu, kryeministri Rama u ka kërkuar të gjithë kandidatëve që të punojnë ditë e natë në mënyrë që PS-ja të marrë e vetme 71 mandate.
Rama për herë të parë ka pranuar se nëse do të futeshin në zgjedhje pa opozitën, atëherë qeveria e PS nuk do ta kishte të gjatë qeverisjen. “Zëvendësimet në qeveri do të zgjasin vetëm një muaj. Marrëveshja me PD gjëja më e mirë që ka bërë PS. Dialogu me opozitën do te vijoje edhe pas zgjedhjeve”, mësohet të jetë shprehur Rama.
P
