Kuvendi i Shqipërisë e ka nisur seancën e sotme plenare me një minutë heshtje në nder të efektivit të Policisë së Kosovës, Afrim Bunjaku.
Afrim Bunjaku humbi jetën orët e para të asaj dite gjatë një konfrontimi mes forcave të policisë së Kosovës me një grup serb, i cili përbëhej nga rreth 30 persona të armatosur, që ishin vendosur në manastirin e Banjskës, nga ku shkëmbyen të shtëna me organet e rendit.
Kujtojmë se Bunjaku është shpallur nga Presidentja Vjosa Osmani “Hero i Kosovës”.
Seanca plenare e kësaj të Hëne ka në fokusin e saj diskutime për problematikat e qytetarëve dhe prandaj nuk pritet të miratohet ndonjë projektligj. Diskutimet janë parashikuar që të zgjasin katër orë.
