Është miratuar në Kuvend pasditen e sotme marrëveshja sekrete me kompaninë e vaksinave kundër koronavirusit, Pfizer.
3 aktet normative të marrëveshjes janë miratur me 94 vota pro, ndërkohë që 5 ishin kundër dhe 3 abstenim. Kjo marrëveshje i hap rrugën dërgesës së parë të vaksinave nga Pfizer në Shqipëri.
Disa deputetë e kanë kundërshtuar idenë e marrëveshjes sekret. Gjithashtu edhe Presidenti Ilir Meta, e ka cilësuar si jo transparente sot nga qyteti i Vlorës. Megjithatë në vendin tonë vaksinimi me vaksinën Pfizer ka nisur tashmë prej 1 jave pasi vendi mori dhuratë 975 doza vaksine nga një vend i BE, emri i të cilit nuk bëhet publik. Të parët që po vaksinohen janë mjekët, e më pas të moshuar në azile dhe ata mbi 75-vjeç.
Marrëveshja është klasifikuar si sekret tregtar, e për pasojë as kontrata, çmimi dhe detaje të tjera të vaksinës nuk do bëhen të ditura. Sipas kërkesave të kompanisë kontraktuese, Pfizer do ta kryej vetë transportin që nga vendi i origjinës e deri në Shqipëri. Ndërkaq, marrëveshja me Pfizer nuk do të publikohet as në Fletoren Zyrtare dhe as në websitet e institucioneve shtetërore./Opinion.al
