Kuvendi i Shqipërisë do të mbajë seancën e radhës ditën e enjte në orën 10:00. Ky vendim është marrë sot në mbledhjen e Konferencës së Kryetarëve, ndërsa pritet të pasqyrohet edhe në faqen e Kuvendit të Shqipërisë.
Nga ana tjetër, Lulzim Basha pas mbledhjes së Kolegjit të Kryetarëve të PD, nuk ka thënë konkretisht nëse të enjten do të ketë protestë apo jo, por i është referuar vendimit të mëparshëm të kryesisë.
“Do t’ju informojmë për çdo datë dhe për çdo zhvillim. Vendimi i kryesisë është në fuqi, këto janë takime organizative. Protestat do të vazhdojnë dhe do të fuqizohen nga dita në ditë, nga java në javë, deri sa të realizojmë atë që do çdo shqiptar. Zgjedhje të lira e të ndershme, një qeveri nga populli, për popullin dhe të popullit”, ka thënë Basha.
Pas protestës së 16 marsit, Partia Demokratike nuk ka dhënë detaje mbi axhendën e opozitës./Opinion.al
