Kreu i Partisë Demokratike, Lulzim Basha, ditën e sotme ka thirrur në një takim kryetarët e 71 degëve të PD. Kolegji i kryetarëve pritet të ketë në qender të diskutimeve çështje që lidhen me organizimin e Kuvendit Kombetar të PD në 18 Dhjetor.
Në një njoftim të selisë blu thuhet se “Kjo është data që u vendos me 2/3 e votave të kryesise së PD. Thirrja e Kuvendit Kombetar u propozua nga kryetari Basha, pas refuzimit te mbeshtetsve të zotit Berisha për të verifikuar sipas statutit firmat e mbledhura prej tyre për thirrjen e Kuvendit”.
Basha është treguar i vendosur në qëndrimin e tij për të mos njohur ato që i quajti “struktura paralele”. Motoja e Bashes per 18 dhjetorin eshte: “1 Parti, 1 Kuvend”./Opinion.al
