Ish-kreu i PD, Sali Berisha ka njoftuar se janë tejkaluar firmat e nevojshme për mbledhjen e Kuvendit Kombëtar.
Berisha tha se askush nuk mund ta votojë kryedemokratin Lulzim Basha, pasi ka tradhtuar demokratët. Ish-kryeministri detajoi dhe ndryshimet të cilat, sipas tij, do të bëhen në statutin e PD në Kuvendin Kombëtar.
“Basha e ka pasur besimin të thyer tek zgjedhësit, 19% e shqiptarëve që votuan PD votuan për atë. Kush është ai që voton për një besëprerë dhe besëthyer. Janë të gjithë këto rrethana që na ftojnë ne demokratëve që të mbledhim Kuvendin të rishkruajmë statutin e partisë tonë në të cilën ju të zinin vendin qendror që të zgjidhni me votën tuaj primare deputetët tuaj, të përcaktoi kufijtë e kryetarit që mos marri fuqitë e forumeve. Çdo demokrat duhet të firmos për Kuvendin e ardhshëm, ju them me kënaqësi se korumi mbi 50% është tejkaluar me kohë dhe ne do të mbledhim Kuvendin e do të bëjmë ndryshime në statut do të hapim fraksionet, do të bëjmë gjithçka që të kthejmë të gjithë ata që vunë një tullë në partinë tonë,”-tha Berisha./Opinion.al
