Kuvendi i Maqedonisë së Veriut ka miratuar ditwn e sotme dorëheqjen e kryeministrit Zoran Zaev.
Vendim ka kaluar pa debate në seancën e sw enjtes, ndwrsa është pritur me duartrokitje nga partia opozitare VMRO DPMNE.
“Dëshiroj të jap shembull për të njohur vendimet e virtytshme kur është e nevojshme dhe për të dhënë një kontribut tjetër në forcimin e kapaciteteve demokratike të popullit, por edhe liderëve të ardhshëm që të jenë të vetëdijshëm për detyrën e tyre qytetare kur kujdesen për vendin e tyre”, ka shkruar Zaev në arsyetimin e aktit të dorëheqjes.
Kryeministri i RMV, Zoran Zaev dha dorëheqjen nga Qeveria, më 31 tetor, pas disfatës së thellë të Lidhjes Social-Demokrate (LSDM), partia qw ai drejton në zgjedhjet lokale.
Ndwrkohw pas dorëheqjes, kryetari i Kuvendit, Talat Xhaferi, ka njoftuar presidentin, Stevo Pendarovski, i cili në afat prej dhjetë ditësh duhet të caktojë kandidatin e ri pwr kryeministër të Maqedonisë së Veriut.
Ai do të jetë, Dimitar Kovaçevski, pasi paraprakisht ka njoftuar se ka shumicën parlamentare në Kuvend./Opinion.al
