Kuvendi i Kosovës ka miratuar rezolutën për “gjenocidin, krimet kundër njerëzimit dhe krimet e luftës të ish-regjimit shtetëror serb në Kosovë”.
Rezoluta u miratua me 79 vota pro pas një debati të gjatë dhe të ashpër lidhur me dënimin e krimeve e gjenocidit serb në Kosovë.
Në rezolutë, mes të tjerash, përmenden vendet ku janë kryer masakrat, vrasjet, dhunimet seksuale si dhe dëbimi i më shumë se 1 milion shqiptarëve nga Kosova. Po ashtu, aty përmenden edhe dëmet materiale, shkatërrimi i objekteve të ndryshme fetare e kulturore.
Në rezolutë kërkohet që fajtorët të dalin para drejtësisë, dhe për hartimin e saj kanë punuar përfaqësuesit e të gjitha partive politike përveç grupit të listës serbe./Opinion.al
