Për të 19-ën herë me radhë, sot Kuvendi i Kosovës sërish do të tentojë nga ora 11:00, për konstituimin e legjislaturës së re.
Seancë kjo e cila po zvarritet prej javësh për shkak të pamundësisë për të zhvilluar votimin e fshehtë për zgjedhjen e kryetares së Kuvendit, Albulena Haxhiun, të propozuar nga Lëvizja Vetëvendosje.
Pas 18 tentativave të pasuksesshme, të hënën e kësaj jave nuk u arrit dakordësi për formimin e komisionit për votimin e fshehtë.
Partitë opozitare po e akuzojnë Lëvizjen Vetëvendosje për zvarritje të procesit, ndërkohë edhe vet LVV-ja, po insiston në mos ndërrimin e kandidates së propozuar.
Zgjedhjet e përgjithshme në Kosovë u mbajtën më 9 shkurt 2025, por më shumë se tre muaj më vonë, institucionet e reja ende nuk janë formuar, duke zgjatur krizën politike dhe institucionale në vend.
