Mëngjesin e sotëm, Ambasada Amerikane në Tiranë ka shpërndarë në faqen zyrtare një mesazh nga Samiti për Demokracinë.
Duke postuar pamje të Samitit të Demokracisë të mbajtur nga Presidenti Biden, ambasada thotë se në shumë vende qeveri autoritare ose aktorë të korruptuar përpiqen të dobësojnë institucionet demokratike.
Ky është një mesazh i Ambasadës Amerikane vjen vetëm pak minuta para se në “Air Albania” të nisë Kuvendi i thirrur nga ish-kryeministri Sali Berisha.
“Në shumë vende, shtyllat e demokracisë – liria për t’u mbledhur, liria e shprehjes, dhe liria për t’u organizuar – janë nën sulm nga qeveri autoritare ose aktorë të korruptuar që përpiqen të dobësojnë institucionet demokratike, të minojnë proceset demokratike dhe të gërryejnë besimin në parimet demokratike. Demokracia i ka themelet në premisën se ajo mbështetet nga populli dhe për popullin, prandaj pjesëmarrja qytetare në Samitin për Demokracinë është kaq e rëndësishme”-shkruhet në postimin e ambasadës Amerikane./Opinion.al
