Kuvendi është mbledhur në seancë plenare ku po diskuton mbi dhunën ndaj grave.
Duke bërë një ndërhyrje në seancë, ish-Kryeministri Sali Berisha kërkoi që i pranishëm në seancë të jetë Kreu i Qeverisë, Edi rama.
“Ka një mizorik që nuk ndodhet në sallë, por nxin. Më e pakta t’i kërkojë falje Violeta Manushit për ato që i ka thënë”, u shpreh Berisha.
Menjëherë, ka reaguar kreu i grupit parlamentar i Partisë Socialiste, Taulant Balla.
Sipas të cilit, me nota ironie, i ka treguar se ndodhet me Bashën në Bruksel për një marrëveshje të fshehtë.
“Është në Bruksel me Lulzim Bashën dhe po bëjnë marrëveshje”,-iu drejtua Balla, Berishës.
