Rudina Hajdari prej kohësh ka marrë përsipër të jete lidere e opozitës së re parlamentare, ndërsa akuzon si qeverinë ashtu dhe dy forcat politike që lanë mandatet për situatën ku është vendi.
Por në tension nga kjo situatë, duket se deputetja është prekur ndërsa llogari i ka kërkuar kryeministrit Edi Rama për “kusuret e saja”.
Rudina Hajdari: Ç’kusur kam unë të merrem me kusuret e kundërshtimeve, e cdo gjëje që ka ndodhur në këtë kuvend, ç’kusur kam të merrem me opozitën që thotë se jam palë me ju, pse unë sot mund të mos kem bindjet e mia në këtë vend, të mos merremi me fantazmat e së shkuarës, unë kam bindjet e mia dhe do të qëndrojë në këtë vend bashkë me këtë grup se ne luftojmë për një elitë politike. Nëse jeni për retorikë bëjeni siç duhet por jo me propaganda të dalë boje.
Edi Rama: Zonja Hajdari këtë kusur të gjithë e kemi zgjedhur kur kemi vendosur të merremi me politikë. Për fat të keq politika në këtë vend është ende larg së qeni arti i të marrurit vesh mes njerëzve. Përsa i takon kusurit që ju thonë gjëra që nuk doni ti dëgjoni, ju siguroj që nuk jeni vetëm. Por është pjesë e zgjedhjes që bëjmë. Është e drejta dhe puna juaj, nuk mund t’i ankoheni askujt se atë kusur e keni për vete. Siç do thoshte Kujtim Gjuzi, çdo kush mban kryqin e vet./ Opinion.al
