Këtë të enjte Gjykata Kushtetuese do të mblidhet sërish për të vendosur për shkarkimin e presidentit Ilir Meta.
Seanca pritet të nisë në orën 10:00 të paradites për të shqyrtuar kërkesën e Kuvendit për shkarkimin e Kreut të Shtetit.
Sakaq, Presidenti Meta e ka nisur ditën me një mesazh në rrjetet sociale. “Mirëmëngjes të dashur miq! Kryesorja në jetë të ruajmë 1 dhe të mos e kemi mendjen te shtimi i zero, sepse pa 1 gjithçka zhbëhet në zero absolute”, shkruan Meta.
Kujtojmë se në seancën e shkuar presidenca kërkoi përjashtimin e gjyqtarëve që sipas tyre nuk plotësojnë kushtet ligjore për të qenë pjesë e procesit. Por kjo kërkesë e presidencës u rrëzua nga Gjykata Kushtetuese./Opinion.al
