Kryetari i Partisë Demokratike, Lulzim Basha në një dalje për mediat ka folur në lidhje me ngërçin e ngritjes së Gjykatës Kushtetuese.
Basha ka hedhur akuza ndaj kryeministri Edi Rama, duke thënë se ai synon kapjen e Gjykatës Kushtetuese, pasi ka frikë se vihet para përgjegjësisë për zgjedhjet e 30 qershorit si dhe për një sërë shkeljesh të tjera të Kushtetutës.
Kryedemokrati tha gjithashtu se ngritja e SPAK dhe BKH janë jetike dhe duhet të vihen sa në shpejt në funksion.
“Rasti i përpjekjes së Edi Ramës për të kapur Gjykatën Kushtetuese, tregon qartë se kush nuk e do reformën në drejtësi. Edi Rama e kishte jetike kapjen e Gjykatës Kushtetuese sepse kjo gjykatë ka për të vendosur për disa çështje jetike siç është 30 qershori. Për interesat e tij personale, po merr peng të ardhmen europiane të Shqipërisë. SPAK dhe BKH janë jetike dhe duhet të vihen sa në shpejt në funksion,”-tha Basha.
Po ashtu, Basha u shpreh nga selia blu se qytetarët shqiptar ka tre ditë që shikon “teatrin” për Gjykatën Kushtetuese.
“Kemi qenë dëshmitar të një ngjarje të paprecedentë sa i përket marrëdhënies me kushtetutën. Rasti i Ramës për të kapur Gjykatën Kushtetuese, tregun se kush nuk e do drejtësinë e Pavarur. Ka investuar prej 3 vitesh për të kapur drejtësinë,” –tha Basha./ Opinion.al
