Ekipi i futbollit dhe trajneri me disa nga djemtë e bllokuar në shpellë, para bllokimit
Kushtet janë ‘perfekte’ për shpëtimin e ekipit të futbollit në ditët që vijnë, ku 12 fëmijë bashkë me trajnerin prej dy javësh ndodhen të bllokuar brenda një shpelle në Tajlandë.
Shefi i misionit të shpëtimit tha të shtunën se misioni duhet të përfundojë para se të fillojnë shirat dhe kryesisht para mundësisë që të rritet niveli i dioksidit të karbonit, i cili do të vinte në rrezik grupin e futbollistëve të rinj.
Gjendja e vështirë e ekipit tajlandez ka marrë vëmendje të madhe në të gjitha mediat botërore, si dhe ka ‘ndalur frymën e tajlandezëve’ që nga momenti kur djemtë u bllokuan në një nga shpellat e kompleksit Tham Luang më 23 qershor.
Mediat publikuan ditën e sotme letrat e 12 fëmijëve dërguar prindërve, ndërsa u kërkonin të mos shqetësoheshin, pasi të gjithë ishin mirë.
Ndërsa trajneri i djemëve në një letër të veçantë i shprehte keqardhje prindërve të 12 lojtarëve.
Në letrën e tij, trajneri 25-vjeçar Ekkapol Chantawong siguroi prindërit duke thënë: “Të dashur prindërit e të gjithë fëmijëve, tani të gjithë janë mirë, ekipi i shpëtimit po na trajton mirë./Opinion.al/
