Parlamenti Evropian në Bruksel pritet të votojë mbi ratifikimin e kushteve të largimit historik të Britanisë së Madhe nga BE-ja.
Akti i rëndësishëm legjislativ parashikohet të jetë i fundit për 73 anëtarët e mbetur britanikë të Parlamentit Evropian, midis 678 ligjvënësve të tjerë.
E njohur si Marrëveshja e Tërheqjes, ajo mbron të drejtat e shtetasve të BE-së dhe britanikëve që banojnë në territorin e njëri-tjetrit, detyrimet financiare të Britanisë dhe një sistem doganor që do të mbajë Irlandën Veriore kryesisht nën rregulla evropiane.
BBC raporton se gjatë seancës pritet të ketë debate, fjalime lamtumire dhe madje edhe muzikë.
Miratimi i parashikuar i marrëveshjes së Brexit-it “do të shkurorëzonte” përfundimisht Britaninë e Madhe nga blloku, më 31 janar, duke e bërë vendin e parë që pas 47 viteve anëtarësim do të dalë nga blloku.
Sapo Britania e Madhe të dalë zyrtarisht nga BE, flamuri i saj kombëtar do të ulet në mëngjesin e 1 shkurtit, jashtë Parlamentit Evropian, përpara se të shfaqet në një muze./Opinion.al
