Kushtet atmosferike në vend presin një ndryshim gjatë të hënës së 16 Janarit, gjë që ak çuar autoritetet portuale të Vlorës, të marrin masa paraprake veçanërisht për lundrimin e mjeteve të vogla dhe varkave të peshkimit në gjirin e Vlorës.
Përmes një njoftimi, bëhet me dije se për shkak të situatës së përkeqësuar dhe dallgëve që priten, është ndaluar dhënia e leje nisjes gjatë datave 16-17-18-19 janar 2023 për të gjitha mjetet e vogla lundruese, anijeve të peshkimit që operojnë jashtë gjirit të Vlorës.
Përmirësimi i situatës meteorologjike pritet në datën 19 Janar, pas orës 16:00.
Njoftimi i plotë
Në bazë të parashikimit për situatën hidrometeorologjike të përkeqësuar në gjirin e Vlorës dhe jashtë saj gjatë datave 16-17-18-19 Janar 2023 duke filluar nga ora 01:00 datë 16.Janar.2023 në drejtimin Jug-JugPerëndim në forcën 5bft, 1.00-1.50m brenda gjirit të Vlorës dhe jashtë gjirit të Vlorës në forcën 6-7bft 15-20m/s dhe lartësi dallge nga 1.50 deri 2.00 metra.
1.Është ndaluar dhënia e leje – nisjes gjatë datave 16-17-18-19 janar 2023 për të gjitha mjetet e vogla lundruese, anijeve të peshkimit që operojnë jashtë gjirit të vlorës dhe të njoftohen për marjen e masave për sigurimin e tyre.
2.Mjetet e vogla lundruese dhe anijet e peshkimit që operojnë brenda gjirit të vlorës të kenë në konsideratë kushtet e parashikuara të përkeqësuara dhe marjen e masave për sigurimin e tyre.
3.Janë njoftuar drejtuesit e anijeve të peshkimit dhe mjetet e vogla lundruese për situatën e përkeqësuar dhe për merrjen e masave për sigurimin e mjeteve në vendet e akostuara dhe parandalimin e ngjarjeve dhe situatave gjatë datave 16-17-18-19 Janar 2023.
4.Anijet e transportit ndërkombëtar detar do të vazhdojnë të operojnë normalisht.
5.Përmisimi i situatës meteorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë mbas datës 19 Janar 2023 ora 16:00.
