Dy të rinj në Rrëshen kanë plagosur njëri-tjetrin pas një debati që kanë pasur mes tyre.
Sipas uniformave blu mësohet se ngjarja ka ndodhur para pak minutave në shtëpinë e njërit prej të plagosurve.
Dy të rinjtë 19 dhe 20 vjeç, që mësohet se janë kushërinj, pasi kanë debatuar kanë plagosur me thikë njëri-tjetrin, për pasojë kanë mbetur të plagosur që të dy.
“Mirditë / Informacion paraprak: Në Rrëshen, shtetasit N. Gj. 19 vjeç dhe K. K. 20 vjeç ( kushërinj), dyshohet që për motive të dobëta janë konfliktuar fizikisht si dhe kanë plagosur me mjet prerës (thikë) njëri – tjetrin. Si pasojë e dëmtimeve fizike të marra, ndodhen në spital për trajtimin e nevojshëm mjekësor”, njofton Policia.
Grupi hetimor vazhdon veprimet hetimore për zbardhjen e plotë të rrethanave të ngjarjes./Opinion.al
