Shumë njerëz mendojnë se tradhtia është një nga gjërat më të këqija që mund të bëjë dikush në një lidhje. Madje në pjesën më të madhe të rasteve ka qenë shkak për përfundimin e shumë marrëdhënieve. Por ndryshe mendojnë specialistët. Në fakt njëri prej tyre është shprehur së fundmi se të tradhtosh nuk është aspak diçka e keqe, por madje e forcon më tepër një lidhje.
Esther Perel, një terapiste e seksit dhe lidhjeve në SHBA thotë se tradhtia sjell përfitime në martesë pasi i shkund mirë njerëzit nga vetëkënaqësia.
“Disa prej tyre çojnë në ndarje, por të tjera në forcim të lidhjes”, thotë Perel duke shtuar se nuk përcaktohet nëse një çift është i mirë apo i keq, por divorci mund të konsiderohet vetëm një nga mundësitë, por jo e vetmja e mundësi.
“Mendoj se njerëzit duhet të jenë të aftë të përcaktojnë zgjedhjet që do të bëjnë për veten e tyre dhe pasojat që vijnë. Të shtysh njerëzit drejt divorcit apo të mendosh që divorci është zgjidhja më e mirë kur zhduk të gjitha lidhjet familjare…jetët e gjata janë të ndërthurura në martesë”, vijon Perel.
Psikologia thotë se tradhtia forcon lidhjen pasi e bën çiftin të vlerësojnë martesën e tyre. “Ndonjëherë lidhjet nga një ndodhi e tillë bëhen më të forta, më të ndershme se ajo që kishin më parë, pasi njerëzit më në fund janë rritur”, thotë ajo.
