Policia ka lënë të lirë 2 personat që u shoqëruan si të dyshuar për breshërinë e armëve ndaj godinës së Top Channel të hënën, ku mbeti i vrarë 60-vjeçari, Pal Kola, roja i sigurisë.
Dy të shoqëruarit, ish-dhëndri i viktimës Roberto Papçi dhe shoku i tij A.Tonaj u ndaluan në Vlorë. Që në momentet e para ata mohuan përfshirjen në ngjarje.
Ndërkaq, sipas Klan News pas marrjes në pyetje, 2 të shoqëruarit u liruan pasi nuk është vërtetuar implikimi i tyre në ngjarjen e rëndë.
Punonjësit e policisë ndaluan dy personat pasi panë veprime të çuditshme të tyre. Gjatë komunikimit Roberto Papçi u ka thënë policisë së Vlorës se ishte në këtë qytet për të blerë një makinë.
