Jennifer Aniston dhe Angelina Jolie, edhe pse kanë një karrierë të spikatur, përmenden edhe si dy ish-gratë e aktorit, Brad Pitt. Ai la Jennifer, për t’u martuar me Angelina-n dhe tani janë ndarë dhe po ndjekin procedurat e kujdestarisë së fëmijëve, tre të adoptuar dhe tre biologjikë.
Shumë fansa i kanë krahasuar, në vite, dy gratë e Brad Pitt, por dikush mund të na japë një vlerësim për një karakteristikë të tyre, që ne të tjerët nuk mund ta gjykojmë. Dikush që e ka provuar. Të thuash cila prej të dyjave puth më mirë, kërkon një farë guximi. Sigurisht Brad Pitt nuk do e bënte kurrë, përjashto ndonjë rast kur të ishte me miqtë që i besonte më shumë sesa veten, por një aktor tjetër i papërfshirë emocionalisht me to dhe pa pasur ndonjë detyrim moral për të mos thënë fjalë që mund t’i pëlqenin njërës dhe aspak tjetrës, e ka bërë.
Gerard Butler i është përgjigjur pyetjes së një loje gjatë programit të Andy Cohen, ku ishte i ftuar, siç shkruan oraneës. Skocezi, i cili ka luajtur me të dyja aktoret, ka treguar cila prej të dyjave ka dhënë puthjen më të mirë në rolet ku ata janë puthur para kamerave.
“Jennifer Aniston. Unë po iki tani, e di, ju kam çuditur të gjithëve”, – tha ai. Gerard ka luajtur me Jennifer Aniston në filmin ‘Bounty Hunter’. Ndërsa me Angelina Jolie, në filmin ‘Lara Croft Tomb Raider: The Cradle of Life’.
