Aktualitet

Kush ka frikë nga e vërteta e Info-Telecom?


Bëhu pjesë e Grupit Zyrtar të Opinion.al
>> KËTU <<
               Publikuar në : 17:09 - 31/10/15 |
b.f

Ka një xhiro prej 145 milion dollarësh në vit dhe nuk do që askush ta permendë këtë fakt! Kjo ka ndodhur sot, në Shqipëri ndërsa një shkrim i botuar në portalin opinion.al pasqyronte akuzën e kreut të opozitës Lulzim Basha bërë në emisionin “Opinion” për kompaninë Info- Telekom me pronare dhe administratore zonjën Anisa Skëndaj. Bashkëshorti i zonjës ka telefonuar dhe kërcënuar gazetaren e portalit duke i kërkuar asaj të mos shkruajë më për bashkeshorten dhe kompaninë e drejtuar prej saj. Denoncimit të bërë nga portali ynë pranë Ministrisë së Brendshme iu shtua dhe një reagim nga selia e së Partisë Demokratike. Por çfarë fshihet pas frikës së publikimit të emrit të kompanisë? Pse nxituan familjarët e aksioneres kryesore të “mbyllin gojën” e atyre qe shkruajnë dhe flasin për këte gjë? Nuk është shumë e vështirë të kuptohet se pas një rritje të xhiros nga mijëra euro ne miliona vetëm ne 3-4 vitet e fundit ka padyshim një mbështetje të fortë në mos financiare, të paktën politike. Sipas të dhënave zyrtare të botuara nga revista “Monitor” në 2014-n, kompania realizoi një rritje prej 10 %, në 15.8 miliardë lekë, duke ia kaluar nga qarkullimi vjetor edhe AMC-së apo edhe Albtelecom e duke mbetur vetëm pas Vodafone Albania në tregun e telefonisë në vend. Kompania Info Telekom ka marrë licencën nga AKEP për të ofruar shërbimet e telefonisë fikse publike, tranzitit kombëtar, tranzitit ndërkombëtar, transmetimin e të dhënave, përmes përdorimit të rrjetit të saj publik për shërbime elektronike dhe planit numerik të caktuar nga AKEP. Lidhur me rritjen në këto përmasa të kësaj kompanie, ekspertë të ekonomisë kane thënë për revistën “Monitor” se operatorët e mëdhenj celularë, duket se kanë shkarkuar një pjesë të faturimit të tranzitimit ndërkombëtar te kompani si Info Telecom, në përpjekje për të përmirësuar pozitën e tyre në këndvështrimin e Autoritetit të Konkurrencës. Sipas të dhënave në QKR kompania deri më sot ka një investim që kap shifrën e 10 milion lekëve dhe po kaq janë dhe rrogat vjetore qe ajo paguan për stafin prej 20 punonjesish që ka aktualisht. Me i drejteperdrejtë ne akuzën e tij ka qenë të enjten i ftuar në “Opinion” kryetari i PD Lulzim Basha. Ai ka përmendur kompaninë Info-Telekom, duke pyetur gazetarin Blendi Fevziu nëse kishte dëgjuar ndonjëherë për këtë kompani. Ai ka  pohuar se xhiroja vjetore e kompanisë në fjalë gjatë vitit 2014, ka arritur në 145 milionë dollarë. “C’është kjo kompani dhe çfarë ofron? Kush fshihet pas kësaj kompanie”? Kështu është shprehur Basha, pa dhënë në fakt emra konkretë për drejtuesit e kësaj kompanie, e cila xhironte më shumë lekë  madje edhe se kompania AMC. Basha shtoi se në Shqipëri një kompani nuk mund të rritet kaq shumë, nëse nuk ka lidhje me pushtetin. “Ka kompani në Shqipëri që shkon nga 1-15 herë më shumë pa u lidhur me pushtetin dhe pa i ndarë me pushtetin”? Ky deklarim nxiti dhe shqetesimin e pronarëve të kompanisë me reagimin e tyre krejt jashtë etikës normale të komunikimit. Dhe në një rast të tillë, pikëpyetja më e madhe ka të bëjë pikërisht me shqetësimin e tyre. Pse gjithë ky nxitim për të fshehur emrin dhe të dhënat e kompanisë? Cfarë fshihet pas kësaj frike, kur dihet që kompani të këtyre përmasave do të jenë padyshim në fokus të medias?

KOMENTO (1)

Shkruaj nje koment

  1. Teorikisht kjo qe thoni ju eshte e vertet, por praktikisht I nderuar ne shqiperi eshte e pamundur kjo gje pasi une kam vete nje kompani qe ushtron prej vitesh kete aktivitet dhe eshte e pamundur te arrihet me shifra te tilla, dhe Jo me te lesh pas operatoret OFNT ( operator me fuqi te ndjeshme me treg ) nje operator alternativ ku sherbimin e mer nga operatoret OFNT qe jane Vodafone , Amc dhe Eagle, pasi sherbimi merret nga operatoret OFNT ne shqiperi dhe miniutat nderkombetare shiten tranzitohen ne kompanite nderkombetare normale me shumice, deri ketu eshte cdo gje be rregull por operatoret e medhenj be shqiperi I mbron ligji me nje menyre aq te mire dhe e Kane ne dore vete se sa miniuta ju ofrojne operatoreve alternative dhe me cfare cmimi, pra operatoret OFNT nuk i pengon asgje madje Jane te mbrojtur qe operatoreve alternativ te mos u japin asnje minute apo tu japin nje Nr te reduktuar minutash, dhe me nje cmim qe e vendosin vete dhe madje ta ndryshojne cmimin me nje njoftim qe ky cmim mund te arrij edhe ne kosto per operatorin alternativ apo edhe mbi kosto qe e ben kete te fundit te heq dore nga ky sherbim. Konkretisht me shqiperi I nderuar Jane shume pak operator qe ofrojne kete sherbim dhe maksimumi I minutave qe u Jane dhene operatoreve alternativ eshte 150 000 minuta nderkombetare nga Vodafone dhe 75 000 minuta nga Amc ndersa eagle akoma nuk jep fare me pretendimin se ka renie. Keto qe Po them I them me pergjegjesine time te plote dhe 100 % te sakta dhe e bej vetem per te informuar opinionin publik qe kjo eshte e pamundur

Pas