Mbrëmjen e djeshme u arrestua me urdhër të SPAK, kryetari i Bashkisë së Bulqizës, Lefter Alla. Së fundmi, SPAK ka dalë me njoftim zyrtar për akuzat, të cilat rëndojnë mbi Lefter Allën.
Ai akuzohet për “shpërdorim detyre”, “falsifikim dokumentash”, “falsifikim formularësh” për abuzim me fondet për tenderin e një Ujësjellësi.
Organi i akuzës sqaroi se kryetari i Bashkisë së Bulqizës në bashkëpunim me nënkryetaren e Bashkisë, dhe punonjësit e tjerë, si specialistët e prokurorimeve, anëtarët e KVO, kanë bërë të mundur që tenderin “Ndërtimi rrjetit furnizimit dhe rrjetit shpërndarës Ujësjellësi dhe ndërtimi i rrjetit të KUZ , Lagja e vjetër, qyteti Bulqizë, Bashkia Bulqizë”, me vlerë në shumën 322.439.000 lekë të reja, në shkelje të procedurës ta fitojë firma Egland Sh.p.k” dhe “BE-IS” Sh.p.k, ndërkohë punimet realizoheshin nga i hetuari (A. K.), i cili rezultoi lidhje e afërt e Kryetar i Bashkisë (L. A.).
Ndërkohë janë zbardhur emrat e personave të arrestuar:
Lefter Alla, kryetari i Bashkisë së Bulqizës
Enkeleda Lleshi, nënkryetarja e Bashkisë
Rubin Kola,
Erion Isaku,
Leonard Daci,
Arseb Gjoka,
Kujtim Zogu,
Denis Xholi,
Rasim Daci,
Dalo Gazidedja,
Aqif Konesha
Kastriot Ibrahimaj (arrest shtëpie)
Ana Nishku (arrest shtëpie)
Ndërkaq mësohet se janë zhvilluar kontrolle në banesën e Allës dhe të zyrtarëve të tjerë./Opinion.al
