Një efektiv policie ndërroi jetë mbrëmë. Ai ishte në detyrë, teksa një makinë me shpejtësi skëterrë e aksidentoi për vdekje. Dy kolegë të tij janë mbeten të plagosur. Ai që kreu aksidentin është 22-vjeç. Identifikuar si Arnold Kola, djali i ish-deputetit të Partisë Socialiste të qarkut Shkodër, Ndue Kola, i zgjedhur në vitin 2009.
22-vjeçari udhëtonte me fuoristradë “Lexus”. Tek mbikalimi i Kamzës ka tentuar të parakalojë furgonin e policisë që ishte në lëvizje të ngadaltë duke e goditur nga pas. Si pasojë e përplasjes furgoni i policisë ka pësuar dy rrotullime në vend dhe ka humbur jetën Ervin Haxhiaj 42 vjeç, ndërsa të plagosur mbetën punonjësit e policisë Besmir Voi dhe Neil Hoxha.
Një tjetër rast i rëndë me të fortët që nuk i binden policisë u shënua dje pasdite në Tiranë, por fatmirësisht pa viktima. Bektash Muka, 24 vjeç nuk iu bind urdhërit të policisë për të ndaluar pasi në makinë kishte një pistoletë. Makina luksoze BMW X6 përfundoi në murin rrethues të një banese te “Komuna e Parisit” në kryeqytet teksa i ikte policisë.
24-vjeçari me të njëjtën automjet, disae muaj më parë, ka përplasur në furgon të policisë që përdorej nga “Shqiponjat”, pasi këto të fundit i kanë bërë shenjë ndalimi, por edhe në atë rast përsëri është larguar duke iu shmangur një kontrolli për armë. /Opinion.al
