Nëse Tom Doshi njihet si biznesmen që i hyri politikës, suprizë ka qenë emri i Eduar Selamit si një biznesmen i suksesshëm në SHBA. Tom Doshi, nga katër kompanitë e tij në Shqipëri dhe të ardhurave që i vijnë nga qiratë nga Australia, ka fituar gjatë vitit 2015 rreth 112 milionë lekë të reja.
Ndërsa, Selami ka të ardhura nga bizneset në SHBA që quhen “Librazhd L.L.C” dhe “Alb Taxi”.
“Biznes ‘Librazhd L.L.C’ në Framingham, Massachusetts, SHBA, me vlerë fillestare krijimi 100.000 dollarë, krijuar në vitin 2011. Pjesa e z. Selami 50%. Biznesi tjetër, ‘Alba Taxi L.L.C’ në Virginia Beach, SHBA, me vlerë fillestare krijimi 50.000 dollarë. Selami deklaron të ardhura nga rroga, bonuse dhe biznesi në SHBA ndër vite 1.610.700 dollarë. “Të ardhura nga dhënia me qira e shtëpive të banimit ndër vite 122.500 dollarë. Të ardhura nga rritja e vlerës së biznesit në SHBA dhe e letrave me vlerë 459.000 dollarë”, thuhet në deklaratën e Eduard Selamit.
