Kush janë deputetët e vjetër që nuk do të përfshihen në listat e reja të PS

Edhe pse një pjesë e mirë e deputetëve aktualë socialistë do të jenë pjesë e listave të kandidatëve për zgjedhjet e kësaj vere, disa emra tashmë të njohur në partinë socialiste duket se nuk do të bëjnë pjesë në listat e reja. Në emrat që qarkullojnë janë Namik Dokle dhe Dashamir Peza, ky i fundit për një kohë të gjatë njeri i afërt i Ramës. Nga listat pritet të përjashtohet edhe Valentina Leskaj, e cila e ka konfirmuar vetë moskandidimin, si një vendim të menduar gjatë në kohë. Nuk dihet nëse do të ketë surpriza të reja pas mbledhjes së socialistëve, ndonëse lista paraprake tashmë kanë nisur të qarkullojnë në media.