Ditën e sotme Policia e Shtetit ka goditur një grup kriminal që merrej me shpërndarjen e drogave të forta në qytetin e Shkodrës.
Në prangat e policisë kanë rënë 8 persona dhe është shpallur në kërkim një infermier.
Të arrestuarit e opoeracionit “ Buna 2021” janë shtetasit: Arjan Cerjani, Enkeledia Cerjani, Leart Cerjani, Luis Cerjani, Emiljan Hajdaraj, Gjergj Pllumbi, Indrit Ishmakej dhe Valentin Plenishta.
Ndërkohë mësohet edhe roli i infermierit 35-vjeçarit Redi Idrizi. Ai shkëmbente medikamente me trafikantët, të cilat më pas këta të fundit ja shisnin personave në terapi nga përdorimi i lëndëve narkotike.
Gjatë këtij operacioni u sekuestruan arsenal armësh (5 armë zjarri, 1 armë gjahu, 1 armë sportive), 6 thika, metadon, doza kokaine e kanabisi dhe municion luftarak./Opinion.al
