Kryeministri Edi Rama gjatë fjalës së tij në Kongresin e PS foli edhe për vendimin e gjykatës për dënimin e ish-zëvendësministres së Brendshme, Rovena Voda për shpërdorim detyre, me 10 muaj burg.
Ai tha se nuk është vendosur drejtësia për të vrarët në bulevard në 21 Janar, ndërsa dënohet një zyrtare e lartë për një arkë peshk.
“Për të bërë detyrën ishte zgjedhur edhe kush e hodhi Shqipërinë në zjarrin e piramidave, kur i hodhi në erë pak kilometra larg Tiranë, kush i vrau protestuesit në bulevard, është tjeter histori. Drejtësia e re ende po vonon, apo po nguron. S’e di akoma këtë që të hyjë në kraterin e vullkanit të padrejtësive. Dënon një zyrtare të lartë për një arkë peshk, për një punësim të pakryer, por për këtë do flas më tej. Dallimin e qeverive e bëjnë vendimet që ato marrim, dhe punët që ato bëjnë dhe taksat që mbledhin. Kemi hyrë në këtë mandat të tretë më të fortë sepse 50 familje shqiptare janë sot më të forta.”, tha ai./Opinion.al
