Herët në mëngjes ishte Sali Berisha ai që postoi disa foto të protestuesve të lënduar gjatë protestës së 7 kombëtare të opozitës. Sipas tij policia ka ushtruar dhunë ndaj protestuesve dhe për këtë përgjegjësi personale do të mbajë kryeministri Edi Rama. (LEXO LAJMIN KËTU)
Përgjigje mori nga ministri i Brendshëm, Sandër Lleshaj. Ky i fundit ka postuar në rrjetet sociale një video po nga protesta, ku duket se një grup protestuesish rrihen njëri me tjetrin. Dhe sipas ministrit Lleshaj janë të njëjtët protestues që Berisha thotë se janë dhunuar nga policia.
https://www.facebook.com/lleshajsander/videos/332313567408164/
“Nga frymëzuesit dhe ekzekutuesit e dhunës së mbrëmshme, tashmë duhet një përgjigje publike për insinuatën e akuzave monstruoze kundër Policisë, që rezultuan në një blof të turpshëm, të ngjashëm me atë të “çadrave pistoletë” të 2011-ës”, shkruan ministri Lleshaj.
Për këtë rast ka reaguar dhe kryeministri Edi Rama, teksa në rrjetet sociale dhe ai shkruan: Barbari, pabesi, turp. /Opinion.al
