Dasma e Xhansila Myrtezait me Bes Kallakun duket se ka tërhequr vëmendjen e mediave ditën e djeshme. Në një ceremoni përrallore Bes Kallaku dhe Xhensila Myrtezaj i kanë thënë po njëri tjetrit para qindra të ftuarve.
Shumë nga personazhet e njohur të showbizit shqiptarë kanë marrë pjesë në ceremoninë e tyre të dasmës e cila u zhvillua në Pallatin e Brigadave.
Surprizat kanë qenë të shumta, ndër to spikati ajo e nuses Xhensila Myrtezaj Kallaku, e cila ka bërë bashkë në valle dy rivalët politikë, kryetaren e LSI Monika Kryemadhi dhe kryetarin e Bashkisë së Tiranës Erion Veliajn. Edhe pse janë forca rivale tashmë, Kryemadhi e ka shprehur gjithmonë hapur vlerësimin për punën e Veliajt dhe ky i fundit nuk ka bërë shumë komente kur është pyetur për raportet me LSI. Në foton e publikuar nga Ardit Gjebrea, të dy shfaqen të gëzuar dhe duket se po e shijojnë festën e çiftit, ku sigurisht nuk kanë vend ngjyrat dhe bindjet politike. /opinion.al
